سعودی عرب میں عازمین حج کے لیے نسک کارڈز کی تقسیم کا آغاز

ریاض: سعودی وزارت حج و عمرہ نے نسک کارڈز کی تقسیم شروع کر دی ہے۔ اب تک ایک لاکھ پچاس ہزار کارڈز جاری ہو چکے ہیں۔

یہ کارڈز اعلیٰ معیار کی پرنٹنگ اور جدید سکیورٹی فیچرز کے ساتھ تیار کیے گئے ہیں تاکہ عازمین کی حفاظت اور انتظامات کو بہتر بنایا جا سکے۔

ہر کارڈ میں مکہ، مدینہ، مشاعر مقدسہ اور اہم رابطہ نمبر شامل ہیں۔ بیرون ملک عازمین کو مملکت پہنچتے ہی کارڈ دیا جاتا ہے، جبکہ اندرون ملک عازمین کو حج شروع ہونے سے چند دن پہلے کارڈ ملیں گے۔

یہ قدم عازمین حج کی سہولت اور سلامتی کے لیے سعودی حکومت کی کوششوں کا حصہ ہے۔